Ofrohet për shitje shtëpia me sipërfaqe 543m² me lokacion në eko lagjen Aspen Village, në Butovc.
Shtëpia ka orientim të përshtatshëm që u mundëson të gjitha hapësirave të brendshme të akumulojnë maksimalisht ndriçimin natyral. Shtëpia e tipit M është e strukturuar në bodrum, përdhes dhe kat me këtë organizim të brendshëm: në bodrum ka garazh, dhomë teknike, banjo, fitnes dhe saunë. Në katin përdhes ka qëndrim ditor me kuzhinë dhe tryezari, dhomë të gjumit me garderobier dhe banjo personale, utilit, tualet, terasë me sipërfaqe 53m² dhe pishinë . Ndërsa, në katin e parë ka tri dhoma të gjumit, zyrë, banjo, tualet, depo dhe terasë me sipërfaqe 11.75m². Po ashtu edhe kulmi i gjelbër ku gjendet ujëmbledhësi i ujërave atmosferike dhe panelet solare. Shtëpia ka truall me sipërfaqe 11.72 Ari.
Shtëpitë e tipit M të planifikuara në pjesën e epërme të lagjes, vecanti kanë pishinën të përfshirë së bashku me pompën termike për ngrohjen e ujit gjatë sezonit të dimrit, si dhe përmbajtjet rekreuese në bodrum si sauna, jakuzzi dhe fitnes. Materialet natyrore që janë përdorur në eksterier japin një ndjesi të ngrohtë dhe përshtaten shumë mirë me peizazhin përreth, si vlerë e shtuar ndaj asaj të qëndrueshmërisë. Si shtëpia me sipërfaqen më të madhe bruto prej 543 m2 është menduar deri në detajet e fundit për të ofruar rehati dhe hapësira kualitative për të jetuar.
Lagjja synon të sjell një koncept të ri të ndërtimit efiçientë, përmes teknologjive dhe sistemeve që do të implementohen në lagje dhe në secilën shtëpi, që përfshjijnë kulmin e gjelbër me panele solare, dritare me 5 shtresa xhami, ventilim natyror, rezervuarin për mbledhjen e ujërave të shiut, sistemin i cili filtron ujërat e ndotura, etj.
Aspen Village do të ketë edhe shumë veçori të tjera që do të ngrisin cilësinë e jetesës krahas natyrës me të cilën rrethohet kjo lagje.
